المليك اللي نحبه

Abstract

مسلمين لابتدينا تحيتنا سلام نحمد الله يوم حنا بدينه مهتدين ثم أعبر هايض الشعر من عذب الكلام في قدوم اللي مجيه يعز الأمتين مرحباً باللي مجيّه مثل وبل الغمام المطر والسيل والعشب والجو الحسين مرحبا ما غرد الطير في جوّه وحام وعد ما هلت هماليل همال الغشين جيّتك عز للاوطان ولكل الأنام للشعوب اليعربية وكل المسلمين خادم البيتين طيبه مع البيت الحرام الملك عبدالله اللي لنا درع حصين الامام اللي تسلسل من أبوه الامام مثل أبوه معزي اللي نصر دولة ودين يا رفيع المنزلة والمكانة والمقام الملك عبدالله اللي لك القاسي يلين جيتك يفرح بها كل من صلى وصام والوطن والبيت وأهل الوطن والوافدين مرحبا ترحيبة نورها بدر التمام وطيبها الريحان والورد والعود الثمين مرحبا باللي مجيه لنا يجلا الظلام والوطن نوّر بنورٍ يسر الناظرين الفرح ذا العام يسوى فرحنا كل عام في قدوم أغلى المخاليق شيخ الطيبين المليك اللي نحبه وله كل احترام والله انه مثل أبونا كبير الوالدين يا ملكنا في محبتك والله ما نلام والله انا للملك بالمحبة مخلصين في قلوب الشعب حبك بطول الوقت دام جاريٍ بقلوبنا فالوريد وفالوتين وانت حبك للمواطن من سنين قدام انت دايم عنه تنشد وله قلبك فطين ساهرٍ لاجل المواطن عيونك ما تنام وفاتح صندوق للخير لاجل المعسرين وكل مديون تسدد ديونه بالتمام والتقاعد زايده والضمان مزودين المواطن والله انك ملقِّيه اهتمام زدت راتبهم وخفضت سعر البانزين منهجك نهج الشريعة وعدل بالنظام وللمواطن فاتح باب بيتك كل حين انت ضد الخصم لا شان مردود الخصام والعفو والحلم طبعك وضد الحاسدين أنت حلال القضايا الصعيبات العظام وآمرٍ با الصلح والله يثيب المصلحين باذل جاهك وما لك لوحدة وانضمام للدول ولدين الإسلام تعمل كل زين تعطي وتصلح وتاقف بصف اللي يضام وباذل في عتق الارقاب مجهود ثمين يا الحكيم اللي برايك يحلن الحكام ويا الكريم اللي يمينك علينا أكرم يمين يا هل العوجا ذرانا لامن الحرب قام يا حماة الدين ضد العداة الطامعين ما نعرف مظاهرات ولا اضراب من الطعام ولا تحكّم دارنا بانتخاب الناخبين حكمها بيدين حكامنا راس السنام أهل العوجا هل الحكم والسيف السنين هم عيال اللي حكمها برمحه والحسام من ورا الحد الجنوبي لحد الرافدين فوق خيل وفوق هجن تواما بالخطام ما تريح لين صد العداة المعتدين بداح بن محسن بن عبود السهلي