ألف هلا يا ابن الملوك المشاهير

Abstract

سميت باسم الله عظيم التدابير الواحد اللي ماسجدنا لغيره جل الكريم مدور الكون تدوير اللي جعل للعبد سمع وبصيره ومن بعد ذكر الله صغت التعابير بابن الملوك اللي لفانا بشيره مليكنا نسل الملوك المناعير ملجا شعوبا لاجيه تستجيره الفا هلا يا ابن الملوك المشاهير صطامت العايل نهار المغيرة آل السعود أهل الوجيه المسافير حكام من حكام لأرض الجزيرة نسل الإمام اللي يقود الطوابير اللي حماها بالسيوف الشطيرة عبدالله آل سعود وافي الاشابير ريفا على شعبه تهنا بخيره بزيارته للجوف جتنا التباشير عم الفرح بالجوف في كل ديرة لشوفتك مطلب جميع الجماهير مشتاقة ترجي جموعه غفيره وحنا على عهد الولاء وين ماتسير ياقيدا بالخير قدت المسيرة هذا وأنا من لابتا فعلها غير افعالها مثل النجوم الشهيرة ربعي قبيله كلب وقت المخاطير تاطا الخطر لاجل الوطن والسعيرة في عهدكم أرض الوطن زاد تطوير شيد بها فن القصور المثيرة وزادت مشاريع العطا راعي الخير فاضت بها مثل البحور الغزيرة وحكم العداله ثابت دون تغيير ومن عال في حكم الشريعه مصيرة مطبقين الشرع من دون تقصير أمن وأمان وخير فيها وفيرة خادم بيوت الله بصرف الدنانير مشروع توسعة الحرم له كبيرة ولحاج بيت الله صارت تياسير عقب العنا صارت عليهم يسيرة في عهدهم متميزينا عن الغير ملوكنا عيال صقر الجزيرة أنتم هل الطولات زبن المقاصير كم دولة تعتاش منكم فقيرة أفعالكم يوم السنين المعاسير مزبان من يشكي حياة حسيرة وبحماية الرحمن رب المقادير يحمي وطنا من النفوس الشريرة وصلاة ربي عد وبل الشخاتير على نبيا سيرته خير سيرة