احاطتك العناية والرعاية

Abstract

هلا بالعاهل اللي رحبوبه رجال حب قائدهم حيوا به هلا بأحب عاهل عند شعبه زعيم راح كل الحب دوبه توجه له مشاعر كل شاعر وفيه الشعر جزل وله عذوبه هلا مليون مره يا ملكنا سلمت السقم يا صقر العروبه قدومك وانت طيب ومتعافي يزيل هموم شعب جيت صوبه شفانا الله يوم الله شفاكم وسعد المملكة هبت هبوبه شفاك الله وشعبك لك دعاهم يردد فالمنابر واهتفوا به وسبحان الذي منهم تقبل ولا خاب الدعاء واللي دعوا به ياكم من شايب يرفع يدينه ويدعي بالشفاء لك والمثوبه ولو تسمع دعاهم فالمساجد رأيت من المحبة لك اعجوبه وترى صحتك ماهيب لك وحدك تعم بلادكم واللي ربوا به ياستر المملكة واللي عليها بلادك جسم وانت تعد ثوبه لنا ظل يظلل فالهواجر ليا اشتبت على العالم شبوبه وعن برد الشتاء بشتك يدفي يدفي يابو متعب من لجوبه احبوك البشر من قلب واحد يادرع الدار كله يا محبوبه محبة صدق ما فيها مجامل مع ان الناس ماهيب مغصوبه لكن بحكم حلمك والتواضع اتاك الحب ومن اوسع دروبه بكانا في غيابك من غيابك وعشنا ايام غايه فالصعوبه وبعد إعلان ديوانك رجوعك تنحى الهم واعلن عن هروبه عسى رايتك دايم فالعلالي ترفرف غالبه غير مغلوبه وشد الله عضدك يا بو خالد ولي العهد للعهد ان حكوا به هو الوافي ونايف معه وافي وكل اخوانك العهد اعتنوا به وشعب المملكة ومواطنيها تواصوا بالولاء مافرطوا به فداهم من يخونون ازعماهم وينسون الوفاء ما فكروا به محمد بن دغيم السميري العتيبي